Tiranë, 1 Prill 2025 – Ministri për Evropën dhe Punët e Jashtme, Igli Hasani pret në takim Kreun e Misionit të Vëzhguesve të OSBE/ODIHR Lamberto Zannier, për zgjedhjet e përgjithshme parlamentare të 11 Majit që do të zhvillohen në Shqipëri. Gjatë takimit Ministri Hasani theksoi se: “Shqipëria vlerëson fort asistencën e OSBE/ODIHR gjatë proceseve zgjedhore dhe ne mbetemi të vendosur për të zbatuar rekomandimet, duke shfrytëzuar njëkohësisht ekspertizën dhe ndihmën e tij”.

Ndër të tjera, Hasani ka cilësuar edhe angazhimin e vendit tonë për të organizuar zgjedhje të lira, të ndershme dhe transparente, në përputhje të plotë me standardet e OSBE/ODIHR. Shqipëria mbetet një mbështetëse e palëkundur e mandatit të ODIHR dhe rolit që ai luan në mbrojtjen e lirive themelore.

Në takimin e sotëm me Ambasadorin Lamberto Zannier, Kreu i Misionit të Vëzhguesve të OSBE/ODIHR për zgjedhjet e përgjithshme të 11 Majit, Ministri Hasani u shpreh se, ripërsërita angazhimin tonë për të organizuar zgjedhje të lira, të ndershme dhe transparente, në përputhje të plotë me standardet e OSBE/ODIHR.

####

16-vjetori i anëtarësimit të Shqipërisë në NATO, Ministri Hasani: “Shqipëria ka NATO-n dhe NATO ka Shqipërinë”

1 Prill 2025 – Në 16-vjetorin e anëtarësimit të Shqipërisë në NATO, nëpërmjet një mesazh në rrjete sociale Ministri për Evropën dhe Punët e Jashtme, Igli Hasani u shpreh se: “Ne kemi NATO-n dhe NATO ka Shqipërinë! Me kontekstet e reja gjeopolitike do të forcojmë partneritetin me aleatët tanë, si dhe do të vazhdojmë me krenari kontributin për forcimin e paqes, sigurisë dhe stabilitetit në rajon dhe më gjerë.” Rrugëtim i Shqipërisë në NATO reflekton forcën, sigurinë dhe solidaritetin, teksa shpreh krenarinë që vendi ynë gjendet pranë aleatëve për një të ardhme me të sigurt.Shqipëria mbetet një aleate e përkushtuar dhe e besueshme e NATO-s, aleancës më jetëgjatë dhe më të fuqishme në botë.